Курбуһах нэһилиэгэр 7 тыыл ветерана - Аммосов Коммунар Андреевич, Аммосова Клара Никитична, Захарова Мария Ильинична, Аммосова Матрена Ивановна, Макарова Дария Гаврильевна, Пестрякова Дария Николаевна, Оконешникова Мария Николаевна уонна 13 сэрии кэмин оҕолоро, олор истэригэр икки сэрии тулаайаҕа - Атласов Иван Петрович, Шепелев Иннокентий Ильич, икки Чурапчы көһөрүүтүн кыттыылааҕа - Местникова Евдокия Степановна, Пермякова Анна Петровна олороллор.
Ыам ыйын 6-7 күннэригэр Кыайыы 80 сылынан тыыл бэтэрээннэрин, сэрии кэмин оҕолорун дьиэлэринэн сылдьан "Эҕэрдэ эйиэхэ, ветеран" тэрээһин ыытылынна.
Улуу Кыайыыны уһансыбыт дьоммутун билии, кинилэр ааттарын үйэтитии, сырдык мөссүөннэригэр сүгүрүйүү хас биирдиибит ытык иэһэ буолар.
Ыам ыйын 2-3 күннэригэр Курбуһах орто оскуолатыгар "Кинилэр Кыайыыны уһансыбыттара" ахтыы күннэрэ буолан аастылар. Тэрээһиҥҥэ оскуолабыт үөрэнээччилэрэ эбэлэрин, эһэлэрин Ийэ дойду көмүскэлигэр дьоруойдуу быһыыларын, холкуоска сыралаах үлэлэрин сырдатар ахтыылары оҥордулар, кинилэр дьиэ кэргэннэрин Кыайыыга кылааттарын кэпсээтилэр.
"Ийэ тыл эйгэтэ" бырайыак чэрчитинэн Саха Өрөспүүбүлүкэтин күнүгэр аналлаах "Таптыыбын Сахам сирин" хамаанданан оонньуу "Чуораанчык" уһуйааҥҥа ыытылынна. Иитиллээччиттэн, төрөппүттэн уонна иитээччиттэн турар барыта биэс хамаанда оонньууга көхтөөхтүк кытыннылар.
"Саха сирин кыыллара", "Ханнык улуус гербэтэй?", "Өс хоһоонноро", "Бу тугуй?", "Боппуруостар" түһүмэхтэри ааһан Наумов Мичил хапытааннаах "Ньургуһун" хамаанда кыайыылааҕынан таҕыста. Оонньууттан оҕолор, төрөппүттэр элбэҕи билэн, сэргэхсийэн тарҕастылар.
Сылын аайы муус устар ыйга Курбуһах нэһилиэгин уһуйааннарын иитиллээччилэригэр Баал Хабырыыс хоһооннорунан "Күн бытархайа" уус-уран ааҕыы күрэҕэ ыытыллар. Бу ааҕыылар Уус Күөлүн "Чуораанчык" уһуйаанын уонна Уус Күөлүн модельнай библиотекатын тэрийиитинэн 2013 сылтан саҕалаан ыытыллаллар.
Страница 10 из 52
