С 2016 года Российская государственная детская библиотека реализует Всероссийский проект «Символы России. Великая Отечественная война: Путь к Победе». 30 ноября учащиеся Курбусахской СОШ приняли участие в первом этапе Всероссийской олимпиады «Символы России".

Аан дойдутааҕы Сааһырбыттар күннэрин чэрчитинэн Курбуһахтааҕы балыыһа бэтэрээн үлэһиттэригэр "Күһүҥҥү көрсүһүү" тэрээһин ыытылынна. Аҕа саастаах ааҕааччыларбытыгар библиотекарь Пестрякова М.А. "Аҕа дойду сэриитэ саха билиҥҥи прозатыгар" билиһиннэриини, гербарийтан кинигэ закладкатын оҥорууга маастар-кылааһы ыытта.

Администрация специалиһа Гуляев Д.М. история чахчыларын билиигэ сирдиир "Кыайыы" лото оонньууну тэрийэн ыытта. Манна кыайыылааҕынан Самсонова М.П. буолла. Бэтэрээннэр "Саамай, саамай..." үөрэххэ, ааҕыыга сыһыаннаах урукку маллар быыстапкаларыгар көхтөөхтүк  кытыннылар. Винокурова А.М. урукку сыллар хаһыаттарын, уруучукаларын, бөрүөлэрин, Егорова Т.И. 6-7 кылаастарга суруйбут тэтэрээттэрин, Самсонова М.П. үөрэммит суумкатын аҕалан көрдөрдүлэр, кэпсээтилэр. 

Балаҕан ыйын 25 күнүгэр улууспутугар Геройдар күннэрэ бэлиэтэнэр. Н.Н.Окоемов аатынан Курбуһах орто оскуолатын үөрэнээччилэригэр "Уус Алдан улууһун Албан ааттаах Геройдара" тэрээһин ыытылынна. Оҕолорго улууспут Геройдарын олохторун, үлэлэрин туһунан кэпсээтибит, кинигэ быыстапкатын билиһиннэрдибит. Чуолаан биир дойдулаахпыт "Үлэ Албан аата" уордьан толору кавалера Н.Д.Бурнашев төрөөбүтэ 90 сылын чэчитинэн туруоруллубут быыстапканы сырдаттыбыт, видеоролик көрдүбүт

Балаҕан ыйын 27 күнэ — Саха Өрөспүүбүлүкэтин Судаарыстыбаннаһын күнэ. Бүгүн Курбуһахтааҕы кырдьаҕастар дьиэлэригэр Судаарыстыбаннас күнүн бэлиэтиир тэрээһин ыытылынна. Олохтоохтор библиотекарь Пестрякова М.А. бэсиэдэтин, кинигэ быыстапкатын билиһиннэриитин иһиттилэр, улуустар дьаралыктарын төһө билэллэрин тургутан көрдүлэр. "Саха Сирин улуустарынан айан" остуол оонньуутугар күөн көрүстүлэр