Курбуһах нэһилиэгэр 7 тыыл ветерана - Аммосов Коммунар Андреевич, Аммосова Клара Никитична, Захарова Мария Ильинична, Аммосова Матрена Ивановна, Макарова Дария Гаврильевна, Пестрякова Дария Николаевна, Оконешникова Мария Николаевна уонна 13 сэрии кэмин оҕолоро, олор истэригэр икки сэрии тулаайаҕа - Атласов Иван Петрович, Шепелев Иннокентий Ильич, икки Чурапчы көһөрүүтүн кыттыылааҕа - Местникова Евдокия Степановна, Пермякова Анна Петровна олороллор.

Ыам ыйын 6-7 күннэригэр Кыайыы 80 сылынан тыыл бэтэрээннэрин, сэрии кэмин оҕолорун дьиэлэринэн сылдьан "Эҕэрдэ эйиэхэ, ветеран" тэрээһин ыытылынна.

Кыайыыны уһансыбыт күндү дьоммутугар Курбуһах нэһилиэгин баһылыга Петров В.Н., "Төлөн" ветераннар Советтарын председателэ Горохова А.Т. уонна дьаһалта специалистара ыалдьыттаатылар, Ил Дархан Айсен Николаев олохтообут түөскэ кэтиллэр Кыайыы бэлиэтин, тыыл бэтэрээннэригэр Кыайыы чороонун, оттон сэрии кэмин оҕолоругар Кыайыы бэлиэлээх алаадьы иһитин, улуус дьаһалтатыттан эҕэрдэ суругу, өйдөбүнньүк сувениры, Курбуһах нэһилиэгин дьаһалтатыттан сахалыы көбүөрү бэлэх ууннулар. 

Күндү дьоммутугар этэҥҥэ буолууну, кытаанах доруобуйаны, эйэлээх халлааны баҕарабыт.