Уважаемые читатели!
Просим Вас оценить работу нашей организации, пройдя по ссылке:
https://forms.mkrf.ru/e/2579/xTPLeBU7/?ap_orgcode=150220413
или используйте QR-код.
Министерство культуры Российской Федерации приглашает Вас принять участие в оценке удовлетворенности граждан работой государственных и муниципальных организаций культуры, искусства и народного творчества.
Исследование проводится с помощью анонимной анкеты.
Анкета заполняется просто. Внимательно прочитайте вопросы анкеты и выберите тот вариант ответа, который является наиболее подходящим для Вас. Обратите внимание – на некоторые вопросы Вы можете давать несколько вариантов ответа или отвечать в свободной форме.
Бүгүн, ахсынньы 26 күнүгэр, Курбуһахтааҕы кырдьаҕастар уонна инбэлииттэр дьиэлэригэр ыалдьыттаатыбыт. Саргылаах Саҥа дьыл чугаһаабыта манна тиэргэнтэн көстөрүн сэргии көрдүбүт. Киирэр аан таһыгар хаартан чочуллан оҥоһуллубут Тымныы оҕонньор Хаарчаанатынаан биһигини көрүстүлэр.
Индом иһигэр араас уотунан күлүмүрдүү оонньуур киэркэйэ симэммит харыйалар, араас теманан киэргэтиллибит муннуктар санааны көнньүөрдэллэр, үөрүүнү-көтүүнү үксэтэллэр. Актовай саалаҕа аҕам саастаах доҕотторбут биһигини күүтэ олороллор эбит. Кырдьаҕастар саҥа дьыллааҕы сүргэлэрин эрдэттэн көтөҕөөрү библиотека ааҕааччылара эҕэрдэ нүөмэрдэрдээх, көрдөөх оонньуулардаах кэллибит.
Библиотекарь Пестрякова М.А. Саҥа дьыллааҕы открыткалар тустарынан бэсиэдэ оҥордо, Пухова У.В. мунньубут открыткаларын көрдөрдө. "Саҥа дьыллааҕы открытка" викторинаҕа олохтоохтор көхтөөхтүк кытыннылар, кыайыылааҕынан Гоголев Владимир буолла.
Курбуһах орто оскуолатын 3 кылааһын үөрэнээччилэрэ учууталларынаан Колмогорова М.М. цыганскай табор буолан киирэн үҥкүү бэлэхтээтилэр, представление көрдөрдүлэр. Кырдьаҕастар тэттик оонньууларга, хороводка үөрэ-көтө кытыннылар, оҕо саастарыгар төннөн ыллылар. Кырдьаҕастарбытын Саҥа дьыл бэлиэтинэн-дыргыл сыттаах мандариннарынан күндүлээтибит, үүнэр сыл чэгиэн доруобуйаны, этэҥҥэ буолууну, эйэни аҕаллын диэн баҕа санаабытын эттибит.
Саҥа дьылга эҕэрдэлэһэн почтанан открытка ыытыһар үтүө үгэс баара. Ол кэрэ кэмнэри санатар Пухова У.В. коллекциятыттан бэртээхэй открыткалар выставкалара дьон болҕомтотун ылла. Выставка саамай саастаах открытката - 1965 сыллааҕы. Саҥа дьыллааҕы открытка хаһан баар буолбутай?
Ороһуоспанан открыткалары Россияҕа 1897 сыллаахха Англияттан аҕалбыттар. Сыаната биир солкуобай эбит. Ол оччотооҕу кэмҥэ балачча ыарахан сыана. Атыыһыттар дэлэччи аҕалан атыылыыр буолбуттар. Революция иннинээҕи кэмҥэ уруһуйдаан, оҥорон таһаарарга худуоһунньуктар: Александр Бенуа, Илья Репин, Николай Рерих, Виктор Васнецов үлэлэспиттэрин туһунан ахтыллар. Ити кэмҥэ тыа сирин олоҕо-дьаһаҕа, кыһыҥҥы айылҕа, оҕолор оонньуу сылдьаллара ордук сөбүлээн уруһуйдуур тиэмэлэрэ эбит. Өктөөп революциятын кэнниттэн Ороһуоспаны уонна Саҥа дьылы дьон бырааһынньыктаабат буолбут. Биллэн турар открытка да ыытыһыыта тохтообут. Ол гынан баран Саҥа дьылынан эҕэрдэлэһэр үгэс Аҕа дойду Улуу сэриитин сылларыгар сөргүтүллүбүт. Оччолордооҕу открыткаларга (карточкаларга) геройдар хаартыскалара баар буолбуттар. Автоматтаах эбэтэр сиппииринэн фашистары кыйдыыр Тымныы оҕонньор уруһуйданара үксээбит. Саҥа дьыл открыткалара Россияҕа 1950-c сыллартан маассабайдык бэчээттэммиттэр. Ордук элбэхтик дьиэ кэргэнинэн бырааһынньыктыы сылдьар дьону, кыһын таһырдьа оонньуу сылдьар үөрбүт оҕолору уруһуйдуур буолбуттар. Салгыы Тымныы оҕонньор ракетанан көтөн, массыынанан айаннаан иһэрэ, хаартыскаҕа түһэрэ турара, Хаарчаана ойуур кыылларын кытары оонньуу сылдьара, о.д.а. элбэх, сүргэни көтөҕөр, оҕону-урууну үөрдэр, манньытар ойуулар дэлэйбиттэр. Бэлиэтэнэринэн, 60-70-с сылларга хайыһардыы, катокка хатааһылыы сылдьар спортсменнар, рестораҥҥа олорор дьон, оҕо оонньуурдара үксээбиттэр. 1970-с сыллартан, оҕо аймах болҕомтотун тардыбыт мультик геройдара сүрүн миэстэни ылбыттар. Ону кытта тэбис-тэҥҥэ олох сайдыытын көрдөрөн телевизоры уруһуйдуур буолбуттар. 80-с сылларга ордук оонньуурунан симэммит харыйа лабаата үксээбит. 90-с сыллартан урукку ойуулары эргитэн хатылыыр буолбуттар.
Саҥа дьыллааҕы откыткалары төһө билэргитин бу ссылканан киирэн бэрэбиэркэлэниҥ ТЕСТ
Бурнашев, Н. – Чысхаан Ырыа буолбут санаалар : [ырыанньык] / Бурнашев Н.Н.-Чысхаан. – Бороҕон, 2024. – 81 с.
Васильев, Г. Хоһуйуох санаам киирдэҕинэ : [хоһооннор] / Гавриил Васильев. – Дьокуускай : Дани-Алмас, 2024. – 80 с.
Во имя будущих времен сердца мы детям отдаем : [фотоальбом] : / [сост. Протопопова С.Е.]. – Якутск, 2024. – 60 с.
Кэлтэй Уус илбистээх иэйиитэ : [фотоальбом] : [Васильев Г.Н.-Кэлтэй Уус] / [хомуйан оҥордо Васильева А.Г.]. – Майа : MAYAPRINT, 2024. – 72 с.
Удьуор уус Кэдээллэри утумнаан / [хомуйан оҥордо Костромин Н.Н.] – Дьокуускай, 2024. – 198 с.
"Ыстарбын ньии дьон сүрэҕэр туох эрэ кэрэни айан..." : Г. Г. Вешников - Баал Хабырыыс хоһоонноругар айыллыбыт ырыалар / “Уус Алданнааҕы нэһилиэктэр икки ардыларынааҕы кииннэммит библиотека тиһигэ” МХТ, Н. С. Пестряков аатынан Уус Күөлүн модельнай библиотеката. – Дьокуускай : Дани-Алмас, 2023. – 40 с.
Страница 9 из 47
