Муус устар 15 күнүгэр, биир дойдулаахпыт, поэт Баал Хабырыыс төрөөбүт күнүгэр, "Ийэ тыл эйгэтэ"  бырайыак чэрчитинэн  "Кэскил түһэ" улуустааҕы ийэ тыл түмсүүтэ "Чуораанчык" уһуйааҥҥа ыалдьыттаата.

Көрсүһүүнү түмсүү салайааччыта, тыл үөрэхтээҕэ, суруналыыс Бурцева С. М. иилээн-саҕалаан ыытта. Кинини кытта педагогическай үлэ бэтэрээнэ, саха тылын уонна литературатын учуутала Алексеева Т. И. уонна хоһоонньут, мелодист Оконешникова С. И. кыттыыны ыллылар. Ыалдьыттарбытын уһуйаан иитиллээччилэрэ Баал Хабырыыс "Күн бытархайа" ырыатынан эҕэрдэлии көрүстүлэр. Бырайыак чэрчитинэн уһуйааҥҥа туох үлэ бара турарын иитээччи Винокурова Е.М. билиһиннэрдэ. Салгыы "Кэскил түһэ" төрөппүттэргэ "Саха тылын инникитэ: аныгы дьон көрүүтэ" диэн дебат ыытта. Сонун тэрээһинтэн бары сэргэхсийэн, астынан тарҕастыбыт.