23 апреля учащиеся Курбусахской СОШ приняли участие в республиканской олимпиаде «Символы Якутии. Я – патриот». Она приурочена ко Дню республики и проходит уже в 10-й, юбилейный раз. Цель олимпиады — патриотическое воспитание школьников, развитие интереса к истории, географии и культуре Якутии. В 2026 году мероприятие посвящено Году культуры в Якутии и Году единства народов России. 

    Муус устар 20 күнүгэр "Чуораанчык" уһуйааҥҥа Уус Күөлүн, Окоемовка уонна Балаҕаннаах уһуйааннарын иитиллээччилэрэ сылын аайы ыытыллар Баал Хабырыыс хоһооннорунан "Күн бытархайа" уус-уран ааҕыы күрэҕэр муһуннулар. Быйылгы IX төгүлүн ыытыллар ааҕыыларга барыта 18 оҕо кыттыыны ылла. 

    "КҮН БЫТАРХАЙА" уус-уран ааҕыы кыайыылаахтара: орто бөлөххө "Үчүгэй оҕо" хоһоонунан Винокурова Алгыстаана, улахан бөлөххө "Сылгы чыычааҕа" хоһоонунан Анисимова Айсана,  бэлэмнэнии бөлөххө "Тоҕо?" хоһоонунан Винокурова Уйгулаана. 

    Иитээччилэргэ Баал Хабырыыс хоһооннорун үүнэр көлүөнэ ыччаппытыгар ааҕа, үөрэтэ сылдьаргытыгар махтанабыт.

   Бу күннэргэ улууспут делегацията байыаннай дьайыы буола турар сиригэр биир дойдулаахтарбытын  көрсө, көмө илдьэ барыахтаах. Курбуһах нэһилиэгин олохтоохторо анал байыаннай дьайыы кыттыылаахтарыгар көмө оҥоруутугар тиһигин быспакка бэйэлэрин кылааттарын киллэрэллэр – сетка баайыыта, мал-сал, көмө харчы хомуйуута, таҥас тигиитэ уо.д.а.

  Бүгүн, кулун тутар 11 күнүгэр, дьахтар Сэбиэтин көҕүлээһининэн “Төлөн” бэтэрээннэр түмсүүлэрин кыттыылаахтара олохтоох библиотекаҕа мустан харысхаллары оҥордулар.  Ийэлэрбит, эбэлэрбит илиилэрин сылааһынан бигээн оҥоһуллубут харысхаллар уолаттарбытыгар күүстээх харысхал буолан, дойдуларыгар этэҥҥэ эргиллэн кэлэллэригэр араҥаччылыырыгар баҕарабыт.

Курбуһах орто оскуолатыгар патриотическай иитии ыйын чэрчитинэн дойдуга бэриниилээх буолууга анаан араас тэрээһиннэр ыытылла тураллар. Бу күннэргэ Уус Күөлүн библиотекатыгар "Россия Геройа Алексей Неустроев" библиотечнай уруоктар ыытыллаллар. 

Үөрэнээччилэр биир дойдулаахпыт А.М.Неустроев олоҕун, анал байыаннай дьайыыга хорсун быһыытын туһунан билистилэр, саҥа тахсыбыт "Алеша" кинигэни аахтылар.

Уруоктарга кэлбит оҕолор "Алгыстаах мөһөөччүк" акцияҕа  көхтөөхтүк кытыннылар. Бу мөһөөччүк анал байыаннай дьайыыга кытта сылдьар уолаттарбытыгар ананар, иһигэр боҕуруоскай от, сиэл, туос уонна алгыс тыллаах харысхал киирэр.