Ыам ыйын 19 күнүгэр Н.Н.Окоемов аатынан Курбуһах орто оскуолатыгар Пионерия күнүгэр аналлаах "Кыһыл хаалтыс тэтимэ" көлүөнэлэр көрсүһүүлэрэ үрдүк таһымҥа ыытылынна. "Төлөн" бэтэрээннэр түмсүүлэрэ бу күн күндү ыалдьыттара буоллулар. Тэрээһини оскуола директорын сүбэһитэ Васильева М.А. салайан ыытта. Алын сүһүөх кылаастар үөрэнээччилэрин эҕэрдэ хоһоонноро тэрээһини киэргэттилэр. Бу бэлиэ күҥҥэ мустубут оҕолору, учууталлары, урукку пионердары, ыалдьыттары өр кэмҥэ Курбуһах оскуолатыгар пионербаһаатайынан үлэлээбит Копырина А.А. эҕэрдэлээтэ, "Оҕо сааһым сирдьитэ - Пионерия" өйтөн суруйуу күрэҕин түмүгүн таһаарда. Оҕолор айар үлэлэригэр төрөппүттэрин, эбэлэрин, эһэлэрин пионер кэмнэрин сырдатар сорудахтаахтар этэ. 

Тэрээһиҥҥэ оскуола түмэлэ уонна Уус Күөлүн библиотеката киэҥ быыстапканы тэрийдилэр. Библиотекарь Пестрякова М.А. "Бэлэм буол-Кэскил 90 сыла" кинигэ быыстапкатын билиһиннэрдэ. Көрсүһүүгэ кэлбит ыалдьыттар оҕо саастарын, пионер эрдэҕинээҕи кэмнэрин тустарынан ахтыылары оҥордулар.

Арассыыйатааҕы оҕо хамсааһына урукку пионерия тэрилтэтин солбуйар күүс буолар. Бүгүҥҥү тэрээһиҥҥэ оҕолор билиҥҥи оҕо хамсааһынын үлэтин, тэрээһиннэрин туһунан билиһиннэрдилэр, ыалдьыттары эҕэрдэлээтилэр, бэйэлэрэ оҥорбут харысхалларын бэлэхтээтилэр. Көрсүһүү "Взвейтесь кострами" уопсай ырыанан түмүктэннэ.

2026 сыл ыам ыйын 18 күнүгэр саха норуотун историятыгар уонна култууратыгар дириҥ суолу-ииһи хаалларбыт уһулуччулаах уопсастыбаннай диэйэтэл, учуонай, суруйааччы уонна суруналыыс Василий Васильевич Никифоров-Күлүмнүүр төрөөбүтэ 160 сылын бэлиэтиибит. Бу бэлиэ күҥҥэ анаан Курбуһах орто оскуолатын үөрэнээччилэригэр "Саха саарына - Күлүмнүүр" библиотечнай уруоктар ыытылыннылар.

В преддверии Дня Победы в рамках недели "Подвиг. Победа. Память" для учащихся Курбусахской СОШ проводятся уроки мужества, направленные на на сохранение исторической памяти.  На уроках дети познакомились с историей подвига нашего народа в Великой Отечественной войне, послушали онлайн-беседу "Они ковали Победу", подготовленную улусной детской библиотекой.

Бүгүн, ыам ыйын 6 күнүгэр, Кыайыы күнүн көрсө Уус Күөлүн библиотекатыгар "Төлөн" бэтэрээннэр түмсүүлэригэр "Уруйдуубут Улуу Кыайыыны" тэрээһин ыытылынна. Тэрээһиҥҥэ "Хос Үрэххэ Кыайыы ыһыаҕа" документальнай киинэни көрүү, Национальнай архыып АИС-ЭЛАР систематыгар үлэлииргэ сүбэлэр, "КЫАЙЫЫ" историческай лотуо уонна "Георгиевскай лиэнтэ" акция ыытылыннылар.