Бүгүн, кулун тутар 26 күнүгэр, Уус Алдан улууһун мелодистарын Сойууһун чилиэнэ, "СӨ общественнай хамсааһыныгар, Уус Алдан культуратын сайдыытыгар уонна Курбуһах нэһилиэгин социальнай-экономическай сайдыытыгар киллэрбит кылааттарын иһин" бэлиэлэр хаһаайыннарын, биир дойдулаахпыт Пестряков Василий Егорович-Курбуһах Уола СӨ Суруйааччыларын Сойууһугар чилиэнинэн киирбитин бэлиэтиир үөрүүлээх тэрээһин буолан ааста. Тэрээһиҥҥэ СӨ суруйааччыларын Сойууһун чилиэннэрэ күндү ыалдьыт буолан кэлэн кыттыыны ыллылар:
Хас биирдии киһи бэйэтин төрдүн-ууһун, аймахтара уутуйан олорбут сирдэрин, оттуур-бултуур алаастарын чуо билэрэ, үѳрэтэрэ өбүгэтин иннигэр кини ытык иэһэ буолар. Дэлэҕэ да «Өтөх төҥүргэстээх, сурт кэриэстээх» диэн өс хоһооно уос номоҕо буолан күн бүгүҥҥэ диэри тыыннаах. Оҕолорбут кыра эрдэхтэриттэн кимтэн кииннээх, хантан хааннаах буолалларын билэ улааталларыгар уһуйаан саастарыттан толкуйдатан, кини төрдүн-ууһун билэргэ дьулуһар суолу тобуларыгар төрөппүттэр, иитээччилэр, учууталлар дьулуһабыт.
Бүгүн, кулун тутар 21 күнүгэр, Курбуһах орто оскуолатыгар учуутал идэтин утумнаан илдьэ сылдьар Харлампьевтар дьиэ кэргэн аҕалара, Харлампьев Прокопий Терентьевич, үлэлээбит оскуолатыгар күндү ыалдьыт буолан кэлэн, "Педагогическое наследие семьи Харлампьевых" диэн кинигэлэрин сүрэхтээтилэр уонна оскуола, нэһилиэк библиотекаларыгар бэлэхтээтилэр.
Страница 22 из 52
