Муус устар 2 күнүгэр Окоемовка бөһүөлэгин скверигэр биир дойдулаахпыт, Саха АССР культуратын үтүөлээх үлэһитэ, ССРС телевидениетын уонна радиотун отличнига, журналист ДМИТРИЙ ИЛЬИЧ ПУХОВ сырдык аатын үйэтитэр мемориальнай дуосканы арыйыы тэрээһинэ буолла. 

Манна Дьокуускайтан Дмитрий Ильич уола Пухов Николай Дмитриевич уонна кини аймахтара кэлэн кыттыыны ыллылар. Салгыы ыалдьыттарбыт Уус Күөлүн библиотекатыгар сырыттылар, кинилэр Дмитрий Ильич дьиэтээҕи библиотекатыттан Саха сирин историятын кэпсиир кинигэлэри бэлэхтээтилэр, төгүрүк остуолга кыттыыны ыллылар.