Өрөспүүбүлүкэҕэ Ил Дархан Айсен Николаев Саха АССР тэриллибитэ 100 сылын туолар үбүлүөйдээх сылыгар биллэрбит Ийэ сылыгар аналлаах "Күндүттэн күндүнү, кэрэттэн кэрэни күөх сирэм сир күнүн таптыаҕыҥ ийэни" диэн ааттаах кинигэ быыстапката ааҕар саалаҕа турар.

          Бу быыстапка сылы эргиччи ый аайы тиэмэлэринэн уларыйа турар. Тохсунньуга - "Ийэ уобараһа саха литературатыгар", олунньуга - "Кэрэ буолуу кистэлэҥнэрэ", кулун тутарга - "Курбуһах Герой Ийэлэрэ" быыстапкалар ааҕааччылар болҕомтолорун таппыттара.

         Ийэ – саха төрүт аһын көлүөнэттэн көлүөнэҕэ тиэрдэр ытык иэһэ буолар. Өбүгэ аһа-үөлэ – чэгиэн, чөл олох сүрүн үктэлэ буоларын билиһиннэрэр быыстапка муус устар ыйга ааҕааччылары күүтэр.