Бу сайын Бороҕоҥҥо ыытыллар Саха Республикатын VIII спортивнай оонньууларыгар  диэри 100 күн хаалбытын бэлиэтиир "Түмэр күн" кулун тутар 26 күнүгэр Курбуһахха буолан ааста.

Нэһилиэкпититтэн тахсыбыт чулуу спортсменнарбытын билиһиннэрэр сыаллаах "Курбуһах нэһилиэгиттэн төрүттээх спорт маастардара" диэн бэсиэдэ ыытылынна. Бу тэрээһиҥҥэ Окоемовка, Уус Күөл хамаандалара волейболга күрэхтэстилэр. Уус Күөлүн оскуолатын үөрэнээччилэрэ Сергей Прядезников, Мирик Черноградскай, Окоемовкаттан Федосий Васильев, Владик Кузьмин, ыччаттартан Николай Протопопов күрэххэ чаҕылхай охсуулары, түргэн ылыылары көрдөрдүлэр.