Саха народнай поэта Семен Петрович Данилов 2022 сыл кулун тутар 20 күнүгэр төрөөбүтэ 105 сааһын туолла.

          Кини -лирик поэт. Төрөөбүт дойдуга таптал - поэт айар үлэтин сүрүн темата. Айылҕаҕа, төрөөбүт дойдутугар анаммыт лириката - күн күбэй ийэҕэ, төрөппүт аҕаҕа, дьахтарга, оҕоҕо таптал курдук нарын-намчы иэйиилээх, сүдү өйдөбүллээх. Дойдутун, дьонун-сэргэтин, олоҕун-дьаһаҕын, тылын-өһүн барытын өрө көтөҕүллэн суруйбута. С.П.Данилов кинигэлэрэ уонна биирдиилээн айымньылара Сэбиэскэй Сойуус уонна кыраныысса таһынааҕы дойдулар үгүс норуоттарын тылларынан тахсыбыттара. Кини аата уус-уран тыл бөдөҥ маастардарын кытта биир кэккэҕэ турар. Саха сирин Суруйааччыларын сойууһун салайан, саха литературатын историятын көмүскээһиҥҥэ уонна кини аатын-суолун үрдэтиигэ сүҥкэн суолталаах тэрээһиннэри төрүттээбит, саха литературатын көмүс кэмэ ситэн-хотон тахсарыгар ыллык суолу үктээбит улахан өҥөлөөх.

       Семен Данилов айымньыларын, олоҕун уонна айар үлэтин билиһиннэрэр "Сүдү поэт Сэмэн Данилов" кинигэ выставкатын билсэргитигэр ыҥырабыт. Выставка саамай саастаах кинигэтэ - 1958 сыллаахха бэчээттэнэн тахсыбыт Семен Данилов "Эйэлээх куорат" кинигэтэ.