1958 сылтан Бүтүн Сойуус үрдүнэн "Оскуола-производство-үрдүк үөрэх" хамсааһын саҕаламмыта. Ленинскэй хомсомуол Киин кэмитиэтин ыҥырыытынан оскуола кэнниттэн икки сыл производствоҕа тахсан үлэлиир үгэскэ кубулуйбута. Хомуурунньукка "Лена" сопхуос Курбуһахтааҕы отделениетын Балаҕаннаах учаастагар 1966 сылтан "Оскуола-производство-үрдүк үөрэх" диэн ыҥырыынан хомсомуол путевкатынан тахсан үлэлээбит ыччаттар ахтыылара киирдилэр. "Дани-Алмаска" 60 экземплярынан бэчээттэнэн тахсыбыт кинигэни Саввинова Екатерина Гаврильевна хомуйан оҥордо. Биир дойдулаахтарбыт туһунан кинигэни библиотекаттан уларсан ааҕыаххытын сөп.