Сыл аайы алтынньы маҥнайгы күнүгэр Сааһырбыттар аан дойдутааҕы күннэрин бэлиэтиибит. Бу бэлиэ күнү көрсө аҕам саастаах дьоммутугар "Күһүҥҥү көрсүһүү" сынньалаҥ киэһэтэ библиотекаҕа тэрилиннэ. Тэрээһин үөрүүлээх чааһыгар нэһилиэк баһылыгын солбуйааччыта Аммосова А.И. ыалдьыттары, СӨ уус-уран оҥоһуктарын маастарын, педагогическай үлэ бэтэрээнин Прибылых Н.М. 70 сааһынан эҕэрдэлээтэ.

Эрдэттэн биллэриллибит "Күһүҥҥү сэлээппэ", "Күһүҥҥү хаһаас", "Күһүнү хоһуйуу", "Күһүҥҥү муода" күрэхтэргэ көхтөөхтүк бэлэмнэнэн кэлэн, үөрэ-көтө кытыннылар, минньигэс астаах остуол тула олорон сэһэргэстилэр, тэттик оонньууларга кытыннылар.

Тэрээһин кыттыылаахтара көрсүһүү үтүөтүн билэн, сэргэхсийэн, астынан махтал тылларын анаатылар. Күндү дьоммут чэгиэн-чэбдик сылдьыҥ, олоххо көхтөөх буолуҥ!