Бүтүн Арассыыйатааҕы Бибилэтиэкэ күнүгэр Уус Күөлүн бибилэтиэкэтэ «Кинигэ күүһэ» аахсыйаҕа кыттыста. Быйыл аахсыйа ахсыс төгүлүн ыытыллар. Бу тэрээһини 2019 сыллаахтан Национальнай бибилэтиэкэ СӨ култуураҕа уонна духуобунай сайдыыга министиэристибэтин өйөбүлүнэн тэрийэн ыытар. Ыам ыйын 27 күнүгэр "Чуораанчык" уһуйаан иитиллээччилэригэр Курбуһах оскуолатын учуутала Тордуянова В.А. "Маайыс уонна эһэ" нуучча норуотун остуоруйатын ааҕан иһитиннэрдэ. Курбуһахтааҕы кырдьаҕастар уонна инбэлииттэр дьиэлэрин үлэһитэ Винокурова Е.Н. уонна библиотекарь Пестрякова М.А. Валентина Афанасьевна остуоруйаны ааҕар кэмигэр куукуланан оонньоон көрдөрдүлэр.