Ленинград блокадатын иэдээнин иһиттэн билбит дьонунан А.Н. Островскай аатынан тыйаатыр институтугар үөрэнэ сылдьыбыт устудьуоннар буолаллар. 1940 сыллаахха саха талааннаах 34 оҕото артыыс идэтин баһылаары Ленинград куоракка уһуйулла барбыттара. Бу оҕолор истэригэр биһиги биир дойдулаахпыт Михаил Бурнашев баара. Сэрии саҕаланаатын кытта М. Н. Авеловы, Н. Г. Катаевы, А. А. Попову, С. И. Тимофеевы, Е. Мыреевы аармыйаҕа ыҥырбыттара. Итинтэн Авелов уонна Тимофеев эрэ эргиллибиттэрэ. Сэттэ кыыс “олох суолунан” дойдуларыгар төннөн кэлбиттэрэ. Ол устуудьуйа оҕолоруттан уопсайа 14 эрэ киһи тыыннаах ордубута.

Бүгүн Курбуһах орто оскуолатын үөрэнээччилэригэр "Оонньоммотох оруоллар" библиотечнай уруок ыытылынна. Оҕолор уруоктан Ленинград блокадатыттан суорума суолламмыт Михаил Бурнашев олоҕун, тыыннаах хаалбыт устуудьуйа оҕолорун дьылҕаларын туһунан билистилэр, документальнай киинэ көрдүлэр.