Уус Алдан улууһугар В.И.Ленин аатынан бастакы народнай библиотека тэриллибитэ 100 сылыгар аналлаах библиотечнай десант Курбуһах нэһилиэгэр ыалдьыттаата. Н.Н.Окоемов аатынан Курбуһах орто оскуолатын 6-8 кылааһын үөрэнээччилэригэр  библиотечнай уруок, Курбуһахтааҕы кырдьаҕастар уонна инбэлииттэр дьиэлэригэр бэсиэдэ ыытылыннылар. «100 сыл кэрэни, сырдыгы саҕан» үөрүүлээх тэрээһиҥҥэ ыҥырыылаах ыалдьыттар, нэһилиэк олохтоохторо, үөрэнээччилэр кыттыыны ыллылар. Улуус кииннэммит библиотекатын тиһигин директора И.Д. Копырин Уус Күөлүн библиотекатын ветеран үлэһиттэригэр Пестрякова А.Д., Аммосова О.И., бииргэ  үлэлэһэр нэһилиэк тэрилтэлэригэр махтал суруктары туттарда. Дьоро күнү эҕэрдэ нүөмэрдэр киэргэттилэр. "Ааҕар балаҕантан куйаар ситимигэр" диэн библиотека историятын сырдатар быыстапканы  Борисова М.Н.  билиһиннэрдэ. Киин библиотека үлэһиттэригэр кэлэн ыалдьыттаабыттарыгар, биир бэлиэ күнү бэлэхтээбиттэригэр махталбытын тиэрдэбит.