Алтынньы 16 күнүгэр Н.С.Пестряков аатынан Уус Күөлүн библиотекатыгар "Аата ааттанар, ырыата ылланар" поэзия киэһэтигэр "Хоһоон хонуута" литературнай түмсүү ыалдьыттаата.

Тэрээһин Былатыан Ойуунускай олоҕун уонна үлэтин туһунан биэриини көрүүттэн саҕаланна. Бу киэһэ Ойуунускай хоһооннорун түмсүү кыттыылаахтара бэрт истиҥник, иэйиилээхтик аахтылар, "Саха чулуу уола"  кроссворд таайыытыгар кыттан бэйэлэригэр элбэх саҥаны биллилэр.

Мин өлүөм – дьүһүнүм сүтүөҕэ,
Мин буорум отунан үүнүөҕэ...
Кэриэһим кэннибэр хааларым,
Кэхтибэт кэрэкэ тылларым...диэн Былатыан Ойуунускай норуот сүрэҕиттэн сүппэт кэрэ айымньытынан үйэлэргэ умнуллубакка сылдьыан кытаанахтык эрэнэрэ. Бүгүн норуот чулуу уола Былатыан Ойуунускай үөрүүлээх күнүгэр ырыата ылланна, аата ааттанна. 

Тэрээһини библиотека ютуб ханаалыгар киирэн билсиэххитин сөп https://youtu.be/kWSKZU8Lvfc