Гиэрбэни дьүһүйэр инниттэн

Нэһилиэк ураты көстүүтүн,

Сокуону барытын тутуһан

Сиһилээн көрдөрүөх тустаахпыт

Ырааһы ыралыыр санаанан,

Сырдыктыыр халлааммыт күөҕүгэр,

Маҕанныыр дьураабыт анныгар

Курбуһах күөн туттар күндүтүн

Күөх боллох собонон манньыйар,

Күлүмнүүр күндэлэс көстүүлээх,

Бэрт элбэх мөһүүрэ күөлбүтүн,

Бэлиэтиир хайаан да тоҕоостоох.

Дьураабыт үөһээлиир өттүгэр

Өлгөммүт бэлиэтэ, от күөҕэр,

Үс булгунньах төбөлөрө,

Томтойо үллэн көстөллөрө,

Үс үрэхтэрбит сиэттиһэннэр,

Үүнүүлэринэн ситэн-хотон

Элиэнэҕэ айанныылларын

Эндэппэккэ таайыахтааххыт

Үс бөһүөлэк тэбис-тэҥҥэ,

Үүнэ сайда туралларын

Эбэн этэр наадалааҕын

Эйиэхэҕэ санатабыт.

Оһуор ойуу атаҕынан

Булгунньахха тирэнэн,

Көмүс куолас бурдукпут,

Ураһалыы моһуоннанан,

Сытыы кылыс киистэтинэн

Халлаан диэки тардыһара-

Сайдыы суола аһаҕаһын,

Инникибит кэскиллээҕин,

Ыччаттарбыт үөскүүллэрин.

Нэһилэкпит былыргыттан

Силис-мутук тардыһарын

Кэрэһэлиир эбиттэр.

Ураһабыт иһигэр

Төрүт дьарык быһыытынан,

Туос ынахпыт ойуута

Этэр эбит, доҕоттоор!

Улуу уустар олорбут,

Кэлин норуот маастардара

Сириэдийэн үөскээбит

Түөлбэлэрэ буоларын

Төрүт дьарык быһыытынан

Сылгы, ынах иитиитин

Иҥэриммит эбиппитин

Силигин ситэрэн биэрэр.

Онон биһиги Курбуһахтар

Сирбит, дойдубут таһымынан

Гербэлэн, былаахтанан

Ньиргиэр ырыа гиимнэнэн

Сана үүнэр үйэлэргэ

Сайдыы суолун аартыктарын

Арыйсарга бары бииргэ

Алгыстаахтык айанныаҕын!

Нэһилиэкпит остуоруйатыгар

Дьолоох олох туһугар

Саҥа түһүмэх-кэрдиис кэми

Саҕалаатахпыт буолуохтун!

Ыччаттарбыт хойутун хойут,

“Оннук дьоннор үөскээннэр,

Нэһилиэкпитин дойду тэнэ

Аатын-суолун үйэтитэн

Үлэлээбиттэр эбит” – диэн

Өрөгөйдөөх күннэригэр

Өйдөөн-санаан ааһаайаллар...

Төрүт буорга  күүстээх тапталы,

Киэн туттууну кэпсии турар,

Үйэлэргэ өлбөт-сүппэт

Өйдөбүнньүк хаалларабыт!

                            Г.Васильев

                           22.03.2023 с