Биир дойдулаахпыт, саха биллиилээх поэта, тылбаасчыт Г.Г.Вешников-Баал Хабырыыс төрөөбүтэ 105 сылыгар аналлаах декада ыытылынна. 

   Декада чэрчитинэн Курбуһах нэһилиэгин оскуолаларын үөрэнээччилэригэр хоһоон ааҕыытын күрэҕэ буолан ааста. Күрэххэ барыта 25 оҕо кыттыыны ылла.1-2 кылаастарга: 1 миэстэ- Прядезникова Лиза (Уус Күөлэ, 1 кыл), 2 м.-Васильев Арчын (Окоемовка, 1 кыл), 3 м.-Аммосов Вася (Уус Күөлэ, 1 кыл). 2-3 кылаастарга: 1 миэстэ-Барашков Спартак (Уус Күөлэ, 3 кыл), 2 м - Дорофеева Айыына (Уус Күөлэ, 4 кыл). 3 м - Аммосов Семен (Уус Күөлэ, 4 кыл). 5-9 кылаастарга: 1 -2 м. - Олесова Арина (Уус Күөлэ, 8 кыл), Колодезникова Саша (Окоемовка, 7 кыл), 3 м - Васильев Ганя (Окоемовка, 6 кыл).  Маны таһынан улуустааҕы Баал Хабырыыс хоһооннорунан уруһуй күрэҕэр 8 оскуолаттан барыта 40 оҕо кыттыыны ылла.

   "Ыстарбын ньии дьон сүрэҕэр туох эрэ кэрэни айан..." нэһилиэк учууталларын икки ардыларыгар ыытыллыбыт хоһоон айыытын күрэҕэр 10 үлэ киирбитэ. Күрэх муҥутуур кыайыылааҕынан И.В.Пухов аатынан Окоемовка сүрүн оскуолатын учуутала Рожина И.И. ("Умуллубут уот" хоһоон) буолла.

   Курбуһах нэһилиэгин оҕо уһуйааннарын иитиллээччилэрин икки ардыларыгар "Күн бытархайа" хоһоон ааҕыытын күрэҕэр 25 оҕо кыттаары бэлэмнэнэ сылдьаллар.

   Бу ыытыллыбыт күрэхтэргэ кыайыылаахтарга харчынан бириистэри Курбуһах оскуолатын выпускнига, юстиция подполковнига Протопопов И.И. уонна Баал Хабырыыс убайын  Роман Григорьевич оҕолоро, сиэннэрэ оҥордулар. Спонсордарбытыгар улахан МАХТАЛ!