Саха сиригэр Доруобуйа күнүн республикабыт бастакы президенэ Михаил Николаев олохтообута.

Бу күн 2000 сылтан саҕалаан олунньу бастакы өрөбүлүгэр бэлиэтэнэр. Билиҥҥи кэмҥэ доруобуйа киһиэхэ хаһааҥҥытааҕар да күндү буолла. Бэйэ туругун эрдэттэн көрүнэн, көрдөрүнэн, чөл олоҕу тутуһан, сөптөөхтүк аһаан, эти-хааны чэбдигирдэн эрэ доруобуйабытын тупсарар, үйэбитин уһатар кыахтаахпыт. Бүгүн Курбуһах оскуолатын 4 кылааһын үөрэнээччилэригэр "Кыра эрдэхтэн доруобуйаҕын харыстаа" доруобуйа чааһа ыытылынна. Ыалдьыппыт Курбуһахтааҕы врачебнай амбулатория фельдшера Винокурова А.Ф. күннээҕи гигиена туһунан  оҕолорго бэрт сэргэх бэсиэдэни оҥордо, библиотекарь Пестрякова М.А. "Доруобуйаҥ бэйэҥ илиигэр" кинигэ быыстапкатын билиһиннэрдэ. 3 түһүмэхтээх викторинаҕа Гуляева Ванесса кыайыылааҕынан таҕыста. Оҕолор бу тэрээһинтэн элбэх саҥаны, наадалааҕы билэн-көрөн тарҕастылар.