Бүгүн, олунньу 21 күнүгэр, Курбуһах орто оскуолатын үрдүкү кылаастарын үөрэнээччилэригэр Аҕа дойду көмүскээччилэрин күнүн чэрчитинэн ыытыллыбыт эр санааланыы уруогар анал байыаннай дьайыылартан этэҥҥэ эргиллэн кэлбит оскуолабыт физкультураҕа учуутала Петров И.А. кытта көрсүһүү буолла.

Тэрээһиҥҥэ нэһилиэк администрациятын дьаһалтатын баһылыгын солбуйааччы Аммосова А.И., оскуола директорын сүбэһитэ Васильева М.А. кыттыыны ыллылар, эҕэрдэ тылларын эттилэр. Администрация сүрүн специалиһа, нэһилиэккэ байыаннай учуоту сүрүннээччи Гуляев Д.М. оҕолорго бэрт интириэһинэй бэсиэдэни оҥордо, "Сандал" СК методиһа Алексеева А.А. "Родина" ырыата  тэрээһини олус киэргэттэ. Уруогу Полина Победа "Уолаттар төттөрү кэллиннэр" хоһоонунан түмүктээтибит.