Бүгүн, олунньу 18 күнүгэр, "Төлөн" ветераннар түмсүүлэрин чилиэннэрэ Төрөөбүт тыл, сурук-бичик күнүн иитинэн ыытыллар  "Сахалыы диктант" акцияҕа көхтөөхтүк кытыннылар.

Тэрээһини И.Гоголев "Төрөөбүт тыл" хоһоонунан улуустааҕы хоһоон ааҕыытын хас да төгүллээх кыайыылааҕа Баишева Т.В. ааҕыытынан саҕалаатыбыт. Быйылгы диктант саха норуотун биир маҥнайгы тыл үөрэхтээҕэ, талааннаах суруйааччы, тылбаасчыт Г. В.Баишев - Алтан Сарын  төрөөбүтэ 125 сылыгар ананна уонна диктант тексэ кини "Тоҕус этиҥ тойуга" кэпсээниттэн буолла. Диктаны Курбуһах орто оскуолатын саха тылын уонна литературатын учуутала, завуһа Копырина У.П. суруйтарда. "Кыттааччылар бары диктаны олус үчүгэйдик суруйдулар", - диэн бэлиэтээтэ Ульяна Прокопьевна уонна уһулуччу үчүгэйдик суруйбут БАИШЕВА ТАМАРА ВАСИЛЬЕВНАҔА "Бастыҥ суруксут" добун суругу туттарда. Тэрээһиҥҥэ оскуола төрүт культуратын учуутала Тимофеев В.Т. бэйэтэ оҥорор төрүт музыкальнай инструменнарын аҕалан көрдөрдө, кэпсээтэ, тыаһатан иһитиннэрдэ. Диктант кыттыылаахтара алаадьылаах итии үүттээх чэй иһэ-иһэ Василий Тимофеевич кэпсиирин олус сэргээн, сэҥээрэн иһиттилэр. Тэрээһиммитин уопсай оһуохайынан түмүктээтибит. Оһуохайы библиотека иһинэн үлэлиир "Куду" литературнай түмсүү көхтөөх чилиэнэ Васильева П.Е. таһаарда.