Олунньу 15 күнэ - Россия тас өттүгэр сэриилэргэ кыттыбыт буойуннары кэриэстээһин күнэ.

Быйыл Афганистан сэриитэ бүппүтэ 34 сыла. “Итии туочукаларынан” ааттаммыт Афганистан, Чечня сэриилэрэ дойдубут историятын биир оспот бааһа буоллар.Өлөр-тиллэр мүччүргэннээх сырыыларга мэлдьи да буоларын курдук, саха уолаттара, эдэркээн саллааттар, сэрии уотун эрдээхтик тулуйбуттарын, кимиэхэ да сирдэрбэтэхтэрин тоһоҕолоон бэлиэтииллэр.Төрөөбүт дойдуга таптал, бэриниилээх буолуу, ыччаты бэрт кыра сааһыттан патриотическай тыыҥҥа иитии билиҥҥи олохпут сүрүн ирдэбилэ буолар. Бүгүн Курбуһах орто оскуолатыгар "Кэм-кэрдии кинилэри талбыта" библиотечнай уруок ыытылынна. Уруокка И.П.Черкашин "Их выбрало время..." кинигэлэрин, биһиги оскуолаттан Чечня сэриитигэр кыттыыны ылбыт буойун-интернационалистары  билиһиннэрии буолла. Оҕолор ыытааччылар хас биирдии тылларын иһийэн олорон иһиттилэр, бу уруоктан бэрт элбэҕи биллилэр. Тэрээһин Роберт Рождественскай "Реквием" хоһоонунан түмүктэннэ.