Курбуһах орто оскуолатын алын сүһүөх кылаастарын үөрэнээччилэригэр "Герой оҕолор" эр санааланыы уруога буолан ааста.

Аҕа дойду улуу сэриитин кэмигэр хорсун быһыыны оҥорбут Герой оҕолор тустарынан оскуола педагог-библиотекара Григорьева З.И. кэпсээтэ, олохтоох библиотека үлэһитэ Пестрякова М.А. "Кырачаан геройдар" кинигэ быыстапкатын билиһиннэрдэ, ырытта. Үөрэнээччилэргэ тэттик киинэ көрдөрүлүннэ, викторина  ыытылынна, саҥа кэм геройдарын хорсун быһыыларын тула кэпсэтии буолла. Уруоктан оҕолор дойдубут историятын туһунан билиилэрин хаҥатан, Ийэ дойдуларынан киэн туттуу санаатын иҥэринэн тарҕастылар.