Ахсынньы 6 күнүгэр НИКОЛАЙ НИКОЛАЕВИЧ ОКОЕМОВ төрөөбүтэ 125 сылын чэрчитинэн ыытыллыбыт "ОКОЕМОВСКАЙ ДИКТАҤҤА" улууспут араас нэһилиэктэриттэн барыта 333 киһи кыттыыны ылбыта.

15 боппуруостаах диктант 5 чаас устата куйаар ситимин нөҥүө ыытыллыбыта. Манна элбэх оскуола оҕото кыттыбыта олус кэрэхсэбиллээх. 14 боппуруоска сөпкө эппиэттээбит элбэх буолан, кыттааччы диктаны толорбут бириэмэтин эмиэ көрдүбүт. Онон түмүк маннык буолла: 1 миэстэ - ОКОЕМОВ ИВАН ИВАНОВИЧ (Чараҥ), 2 миэстэ - ПРЯДЕЗНИКОВА ОКСАНА АНАТОЛЬЕВНА (Бороҕон), 3 миэстэ - ВИНОКУРОВА СВЕТЛАНА НИКОЛАЕВНА (Уус Күөлэ). Кыайыылаахтарга грамоталар уонна бириистэр ахсынньы 15 күнүгэр Бороҕоҥҥо "Курбуһах нэһилиэгин күнүгэр" туттарыллыахтара. Кыайыылаахтары эҕэрдэлиибит! Бары кыттыбыт дьоҥҥо махтанабыт!