Саха сирин бөдөҥ государственнай, политическай деятелэ Н.Н.Окоемовка аналлаах "Килбиэннээх көлүөнэ чаҕылхай ыччата" хоһоон айыытыгар улуустааҕы күрэх түмүктэннэ.

 Күрэххэ уопсайа 15 үлэ киирдэ (оҕолорго-4, улахан дьоҥҥо-11). Айымньылары Курбуһах орто оскуолатын саха тылын уонна литературатын учууталлара дьүүллээтилэр, теманы арыйыыны, хоһоон тутулун, тыл баайын сыаналаатылар. Дьүүллүүр сүбэҕэ үлэлэр автордара суруллубакка, нүөмэрдэнэн бэриллибиттэрэ. Оҕолорго: I миэстэ - "Үтүө аата умнуллубат" Неустроев Айхал, Мүрү 1 №-дээх оскуолатын 7 кылааһын үөрэнээччитэ (салайааччы Аммосова Мария Андреевна), II миэстэ - "Эҕэрдэ эйиэхэ!" Протопопов Петя, Окоемовка оскуолатын 8 кылааһын үөрэнээччитэ (салайааччы Рожина Иванна Ивановна), III миэстэ - ""Николай эһэбит" Колодезникова Саша, Окоемовка оскуолатын 7 кылааһын үөрэнээччитэ (салайааччы Рожина Иванна Ивановна). Улахан дьоҥҥо: I миэстэ - "Норуота умнубатаҕа, умнубат!" Иннокентий Попов (Суотту), II миэстэ - "Дорообо Ньукулай, эн кэллиҥ..." Гаврил Васильев (Курбуһах), III миэстэ - "Урукку улуулар..." Бээрийэ кыыһа Хотойук Айгыына (Бээрийэ). Күрэх биһирэбил бирииһэ Ульяна Бурнашеваҕа-Уйанаҕа (Кэптэни) ананна.

 Кыайыылахтары эҕэрдэлиибит! Күрэххэ кыттыбыт бары дьоммутугар улахан махталбытын тиэрдэбит. Чэгиэн-чэбдик сылдьыҥ, айар үлэҕит айымньылаах буоллун!