Ыам ыйын 27 күнүгэр - Бүтүн Россиятааҕы БИБЛИОТЕКА күнүгэр - ааҕааччыларбытыгар анаан араас тэрээһиннэр күн устата ыытылыннылар.

 Олортон биирдэстэрэ - Россияҕа биллэриллибит норуоттар культурнай нэһилиэстибэлэрин сылын чэрчитинэн ыытыллыбыт "Культуралар алтыһыылара" квиз-оонньуу. Манна Уус Күөлүн бөһүөлэгин 4 түөлбэтин хамаандалара кыттыыны ыллылар. Оонньуу этаптарын нэһилиэк, оскуола библиотекарьдара уонна ветеран библиотекарьдар иилээн-көҕүлээн ыыттылар. Хамаандалар Россия састаабыгар киирэр республика гербэтин пазл хомуйууга, "Остуоруйалар" кроссворду толорууга, ыһыллыбыт таабырын тылларын хомуйан таайыыга, Россияҕа олорор норуоттары көстүүмнэринэн билиигэ уонна "Олоҥхо эйгэтэ" викторинаҕа күөн күрэстилэр. Оонньуу түмүгүнэн 1 м. - "Көмүөл", 2 м.- "Кырдал", 3 миэстэ "Аргыс" уонна "Сайдыы" түөлбэлэр буоллулар. Түмүккэ хамаандалар олус интириэһинэй оонньууга кытынныбыт, элбэх саҥаны биллибит диэн этэн тарҕастылар.