Бүгүн, кулун тутар 26 күнүгэр, Уус Алдан улууһун мелодистарын Сойууһун чилиэнэ, «СӨ общественнай хамсааһыныгар, Уус Алдан культуратын сайдыытыгар уонна Курбуһах нэһилиэгин социальнай-экономическай сайдыытыгар киллэрбит кылааттарын иһин» бэлиэлэр хаһаайыннарын, биир дойдулаахпыт Пестряков Василий Егорович-Курбуһах Уола СӨ Суруйааччыларын Сойууһугар чилиэнинэн киирбитин бэлиэтиир үөрүүлээх тэрээһин буолан ааста. Тэрээһиҥҥэ СӨ суруйааччыларын Сойууһун чилиэннэрэ күндү ыалдьыт буолан кэлэн кыттыыны ыллылар:
Доллонов Владислав Семенович — СӨ Духуобунаһын академиятын академига, СӨ Суруйааччыларын Сойууһун бэрэссэдээтэлин солбуйааччыта,СӨ култууратын үтүөлээх үлэһитэ, СӨ бэчээтин туйгуна, «Полярная звезда» сурунаал кылаабынай редактора
Басылайканова Галина Григорьевна-Кэнтик кыыһа, СӨ Суруйааччыларын Сойууһун Ситэриилээх Сүбэтин чилиэнэ, СӨ Үөрэҕириитин туйгуна
Борисова Галина Николаевна-Толбооно, РФ Суруналыыстарын Сойууһун чилиэнэ, «Анаабыр уоттара» хаһыат общественнай корреспондена
Федотова Зинаида Дмитрьевна-Дьол Кыыма, «Сунтаар улууһун култууратын сайдыытыгар киллэрбит кылаатын иһин» бэлиэ хаһаайына
Чиркова Анна Дмитриевна-Вилюйчанна, «Бүлүү улууһун культуратын уонна духовноһын сайдыытыгар киллэрбит үтүөлэрин иһин» бэлиэ хаһаайына
Петрова Татьяна Михайловна-Мойуу Кыыһа, СӨ тыатын хаһаайыстыбатын туйгуна, «Хаҥалас улууһун социальнай-экономическай сайдыытыгар киллэрбит кылаатын иһин» бэлиэ хаһаайына
Василий Егоровиһы Суруйааччылар Сойуустарыгар киирбитинэн Курбуһах нэһилиэгин дьаһалтатын баһылыга Петров В.Н., биир дойдулаахтара эҕэрдэлээтилэр. Үөрүүлээх күҥҥэ Курбуһах уолун хоһоонноро ааҕылыннылар, ырыалара ылланнылар. Күндү Василий Егорович, айымньылаах үлэҕэр, айар-тутар эйгэҕэр үрдүк ситиһиилэри баҕарабыт.
