Биир дойдулаахпыт Дария Дмитриевна Аммосова төрөөбүтэ 85 сылыгар анаммыт «Норуот эмчитэ Дария Аммосова. Махтанабын дьылҕабар» кинигэни оҕолоро хомуйан оҥордулар. Кинигэ саха дьоно-сэргэтэ Аар Айыы итэҕэлин ылынарыгар туһаайыллар. Хомуурунньукка Д.Д.Аммосова айылҕаттан, төрүттэриттэн бэриллибит хомуһунун сааһыран, пенсияҕа тахсан баран Владимир Алексеевич Кондаков аатын сүгэр Аар Айыы итэҕэлин норуот эмчиттэрин үөрэтэр ассоциациятыгар үөрэнэн, ассоциацияҕа отучча сыл үлэлээн, дьон-сэргэ улаханнык сүгүрүйэр, махтанар Сахалыы норуот эмчитэ — Айыы Удаҕана буола үүнэн-сайдан тахсыбытын туһунан кэпсэнэр. Кинигэни библиотекаттан уларсан ааҕаргытыгар ыҥырабыт.
