Быйыл дьон биһирээн ааҕар «Чолбон» сурунаала 100 сыллаах үбүлүөйүн бэлиэтиир. 1926 сыллаахха Саха АССР обкомун уурааҕынан Саха АССР үөрэҕириигэ уонна доруобуйа харыстабылыгар наркоматын политпрос салаата «Саха омук» культурнай-сырдатар уопсастыбаны кытта «Чолбон» сурунаалы төрүттээбиттэрэ. Сурунаал бастакы эрэдээктэринэн саха литературатын төрүттээччилэртэн биирдэстэрэ Алампа Соппуруонап буолар. Биир үйэ тухары саха ааҕааччытыгар «Чолбон» сурунаал суолдьут сулус, «сир түннүгэ» буолбута саарбаҕа суох, оттон саха литературатын сайдыытыгар «Чолбон» — тулхадыйбат тулааһын, төһүү күүс. Күндү ааҕааччылар, «Чолбон» сурунаал үйэлэргэ» бириистээх биктэриинэҕэ көхтөөхтүк кыттын, билиигитин хаҥатын диэн ыҥырабыт. Эһиэхэ анаан библиотекаҕа «Чолбон» историятын кэпсиир «Сырдыкка угуйар сурунаал» кинигэ быыстапката тэрилиннэ, эппиэттэргитин алтынньы ый устата күүтэбит.
“ЧОЛБОН” СУРУНААЛ ҮЙЭЛЭРГЭ
- “Чолбон” сурунаал төрүттэммит күнэ-дьыла, сыла?
- “Чолбон” маҥнайгы нүөмэрэ хас экземплярынан бэчээттэнэн тахсыбытай?
- Сурунаал бастакы редактора кимий уонна редакцияҕа өссө кимнээх баалларай?
- Сурунаал маҥнайгы нүөмэригэр бэчээттэммит А.И.Софронов “Төрөөбүт дойдубар” хоһооно кимиэхэ анаммытай?
- “Чолбон” маҥнайгы нүөмэригэр сурунаал нууччалыы аатын туох диэн суруйбуттарай?
- “Чолбон” маҥнайгы нүөмэрин аан тыла маннык тылларынан түмүктэнэр: “Саха суруга …! “Чолбон” сурунаал …!” Көппүт тыллары ситэрэҥ биэриҥ.
- Сурунаал аата хаста да уларыйбыта. Хас сыллардаахха ханнык ааттардана сылдьыбытай?
- 1930 сыллаахха “Кыһыл ыллык” сурунаал маҥнайгы нүөмэригэр “Ааҕааччыларга” диэн киирии тылыгар: “Саха сиригэр соҕотох биир эрэ сахалыы сурунаал тахсар, онон бу сурунаал бары үлэһит норуотугар … буолуохтаах” диэн суруллубут. Көппүт тыллары суруйуҥ.
- “Хотугу сулус” редакцията “Полярная звезда” уус-уран литературнай уонна общественнай-политическай сурунаалы нууччалыы тылынан хас сыллаахтан таһаарар буолбутай?
- Саха народнай суруйааччылара сурунаал кылаабынай редактордарынан үлэлээбиттэрэ, олортон 1947-1953 сылларга ким редактордаабытай?
- 1991-1992 сылларга сурунаалга тахса сылдьыбыт ас астааһын туһунан рубрика аата?
- 1976 сыллаахха сурунаал ким уурааҕынан, ханнык уордьанынан наҕараадаламмытай?
- Сурунаал билигин кырачааннарга аналлаах айымньылары бэчээттиир рубрикатын аата?
- Билигин сурунаал бас эрэдээктэрэ кимий?
- “Чолбон” сурунаал электроннай архыыбыгар хас сылтан сурунааллар баалларый?
- Билигин “Чолбону” ханнык тэрилтэ бэчээттээн таһаарарый?
- Сурунаалга “Чолбон” аата хас сыллаахтан төннөрүллүбүтэй?
- “Чолбон” сурунаал бастакы эрэдээктэрэ өлүөн икки хонук иннинэ алтынньы 22 күнүгэр 1935 с. суруйбут кэриэс суругар үһүс пуунунан маннык сурулла сылдьар: “Союз советских писателей Якутии должен учредить из средств, выручаемых из моего литературного наследствия, постоянную премию моего имени на лучшие драматические произведения на якутском языке”. Алампа бириэмийэтэ хас сыллаахтан олохтоммутай?
- “Чолбон” сурунаал сыһыарыытын аата?
- Сурунаал дьиэ кэргэнинэн ааҕыыны көҕүлүүр сыаллаах өрөспүүбүлүкэтээҕи бырайыага?
