Доруобуйаларынан хааччахтаах дьон аан дойдутааҕы күннэрэ сыллата ахсынньы 3 күнүгэр бэлиэтэнэр. Бэлиэ күҥҥэ аналлаах декада аһыллыыта бүгүн, тохсунньу 4 күнүгэр, олохтоох библиотекаҕа ыытылынна.Тэрээһин Курбуһах нэһилиэгин администрациятын эҕэрдэтиттэн саҕаланна. Улуустааҕы инбэлииттэр күрэхтэһиилэригэр ситиһиилээхтик кыттыбыт Окоемов В.И., Сивцев Л.Д. уонна Васильев А.В. нэһилиэк баһылыгын грамоталарынан наҕараадаланнылар, «Саһарҕа» инбэлииттэр обществоларын чилиэннэрэ остуол тула олорон баһылык Петров В.Н. кытта ирэ-хоро кэпсэттилэр. Тэрээһин үөрүүлээх чааһын «Сандал» СК үлэһиттэрэ ылбаҕай ырыаларынан киэргэттилэр.
Бэлиэ күн иккис чааһа бэрт сэргэхтик ыытылынна. Сынньалаҥ киин үлэһитэ Винокурова Е.Н., администрация специалиһа Гуляев Д.М. ыыппыт тэттик оонньууларыгар кэлбит дьон көхтөөхтүк кытыннылар. Библиотекарь Пестрякова М.А. «Олоҥхо ыллыктарынан айан» викторинатын сэргээтилэр, бэйэлэригэр элбэх саҥаны биллилэр. Ыалдьыппыт Александрова Зоя ырыалары таайдарда, уоттаах-күөстээх дискотека ыытта. Декада устата нэһилиэккэ араас хабааннаах дьаһаллар ыытыллаллара былааннаналлар — остуол оонньуулара, культурнай-сырдатар үлэлэр уонна улуустааҕы инбэлииттэр күрэхтэһиилэригэр кыттыы. Бүгүҥҥү тэрээһинтэн ыалдьыттарбыт үөрэн-көтөн, сэргэхсийэн тарҕастылар.
