Алтынньы 25 күнүгэр Саха АССР култууратын үтүөлээх үлэһитэ, ССРС телевидениетын уонна радиовещаниетын туйгуна, Емельян Ярославскай аатынан Государственнай бириэмийэ лауреата, Уус Алдан, Верхоянскай улуустар уонна Курбуһах нэһилиэгин Бочуоттаах олохтооҕо, төлөннөөх коммунист, 50 сыл устата суруналыыстыка эйгэтигэр үлэлээбит Пухов Дмитрий Ильич төрөөбүтэ 95 сылын туолар. Бу бэлиэ күҥҥэ анаан нэһилиэкпитигэр нэдиэлэ саҕаланна. Нэдиэлэ устата бэсиэдэлэр, кинигэ быыстапкатын билиһиннэрии уонна үөрэнээччилэргэ күрэхтэр ыытыллыахтара. Бүгүн, алтынньы 19 күнүгэр, Дмитрий Ильич олоҕун, үлэтин сырдатар “Биллиилээх суруналыыс, төлөннөөх коммунист” быыстапка үөрүүлээх аһыллыыта Курбуһах орто оскуолатыгар ыытылынна.
