Билигин бэл диэтэр саха тыллаах дьиэ кэргэҥҥэ нууччалыы эрэ саҥарар оҕо наһаа элбээтэ.
«Мультик, YouTube оҕото», — дииллэр төрөппүттэр. Кинилэр оҕолорун кытта сахалыы кэпсэтэ сатыыллар эрээри, кыра киһи нууччалыы эрэ эппиэттиир. Төрөөбүт тыл, сурук-бичик күнүн чэрчитинэн оҕолорго «Сахалыы ааҕабыт» тэрээһиннэр ыытылла тураллар. Оҕолору сахалыы тылынан тахсар хаһыаттары, сурунааллары, кинигэлэри кытта билиһиннэриилэр, тыл оонньуулара, бэсиэдэлэр ыытыллаллар.
