Олунньу 17 күнүгэр Саха сиригэр Пионерия тэриллибитэ 100 сылыгар аналлаах «Кыһыл хаалтыс тэтимэ» көлүөнэлэр көрсүһүүлэрэ ыытылынна. «Төлөн» ветераннар түмсүүлэрин председателэ Аммосова Л.Е. Саха сиригэр Пионерия тэриллиитин туһунан бэсиэдэтин тэрээһин кыттыылаахтара сэҥээрэ иһиттилэр. Библиотекарь Пестрякова М.А. Курбуһах оскуолатыгар пионерскай хамсааһын туһунан быыстапканы билиһиннэрдэ. 3 кылаас үөрэнээччилэрэ (кылаас салайааччыта Прядезникова А.Г.) В. Лебедев-Кумач «Будь готов!» хоһоонун аахпыттарын саастаах көлүөнэ долгуйа иһиттилэр. Курбуһах оскуолатыгар пионербаһаатайынан үлэлээбит Копырина А.А. уонна Бурнашева Г.Ф. видеонан ахтыыларын көрдүбүт. Тэрээһин кыттыылаахтара остуол тула олорон пионерскай ырыалары ыллаатылар, викторина таайдылар. Көрсүһүү «Взвейтесь кострами» уопсай ырыанан түмүктэннэ.
