Саха сирин бөдөҥ государственнай деятелэ, саха уус-уран литературатын төрүттээччи, суруйааччы, учуонай ПЛАТОН АЛЕКСЕЕВИЧ ОЙУУНУСКАЙ төрөөбүтэ 130 сылыгар аналлаах «Аата ааттанар, ырыата ылланар» декада саҕаланна. Бүгүн Курбуһах оскуолатын 4 кылааһын үөрэнээччилэригэр «Ойуунускай «Мөккүөр» айымньытын тула» библиотечнай уруок ыытылынна.
Оҕолор Ойуунускай олоҕун, үлэтин сырдатар кинигэ быыстапкатын билистилэр, «Мөккүөр» хоһоону иһиттилэр. Айымньыны ырытыһан баран, манна баар билбэт тылларын тылдьыттан була үөрэннилэр.
