Бүгүн, сэтинньи 3 күнүгэр, библиотека ааҕааччылара Норуоттар икки ардыларынааҕы «Улахан этнографическай диктант» акцияҕа кыттыстылар. Бу акция «Норуот элбэх – дойду биир!» диэн бэргэн этиинэн салайтаран, Норуот сомоҕолоһуутун күнүн чэрчитинэн, быйыл номнуо ахсыс төгүлүн ыытыллар. Тэрээһин сүрүн сыала-соруга – араас омуктары сомоҕолооһун, Россияҕа уонна кыраныысса таһыгар олорор биир дойдулаахтарбыт бэйэлэрин төрүттэрин, өбүгэлэрин үгэстэрин, абыычайдарын үөрэтэр баҕаларын көҕүлээһин. Акция miretno.ru официальнай сайтка сэтинньи 3 күнүттэн 8 күнүгэр дылы онлайн эмиэ ыытыллар.
