Олоҥхо национальнай күнүгэр аналлаах республикатааҕы «Олоҥхо диктана» акцияҕа Н.Н.Окоемов аатынан Курбуһах орто оскуолатын учууталлара көхтөөхтүк кыттаннар,
улууспут туһатыгар 9 «туйгун» сыананы аҕаллылар. Быйыл акция кыттыылаахтара П.Ойуунускай «Дьулуруйар Ньургун Боотур» олоҥхотуттан быһа тардыыны суруйдулар.
Бөдөҥ государственнай, общественнай деятель, поэт С.Васильев-Борогонскай төрөөбүтэ 115 сылынан «Эрчимэн Бэргэн» олоҥхотун улуус бары библиотекаларын эдэр ааҕааччыларын толоруулара куйаар ситиминэн ыытыллыбыта. Манна Курбуһах орто оскуолатын 6 кылааһын үөрэнээччитэ Местникова Клара уонна 9 кылаас үөрэнээччитэ Кривогорницына Кеана ситиһиилээхтик кытыннылар.
Уус Күөлүн библиотекатыгар ааҕааччылар болҕомтолоругар биир дойдулаахпыт, сахалартан маҥнайгынан олоҥхону чинчийбит, эпосовед-учуонай И.В.Пухов олоҕун, үлэтин сырдатар уонна «Курбуһах олоҥхоһуттара» кинигэ быыстапкалара турдулар.
