Мин кимминий, кини кимий?

                                   Баал Хабырыыс

1

Маңан куобах бэргэһэлээх

Барар суолгар турабын.

Куруук сумка сүгэһэрдээх

Көрөбүн ааһаргын.

Бэркэ билэбин эйиигин,

Бэргэнник таайар инигин.

                       (Чөңөчөк)

 

2

Сиэттиһэн бараннар,

Сыгынньах о5олор

Ыллаһа-ыллаһа

Хаарынан сырсаллар.

Таһырдьа кинилэр

Сынньайа сыталлар.

Эйигин кинилэр

Иччибит дэһэллэр.

Эйиэхэ кинилэр

Мииниллэр миңэлэр.

                   (Хайыһардар)

 

3

Күөнэхтэр, ылбайдар

Кыракый балыктар

Мэнээктии устумаң,

Мэниктиир буолумаң!

Түмсүмэң, мустумаң,

Тулабар туолумаң,

Мин даркы уоруйах,

Мин диэтэх уордайан

 

Тыыннаахтыы, тыыннаахтыы,

Тыыннаахтыы ыйыстыам!

Тыыннаахтыы, тыыннаахтыы,

Тымтайга быра5ыам!

                              (Туу)

 

4

Саас кэллин да наһаа

Сонуур, кэтириир.

О5олорбуттан аһаан

Уойабын ээ, - диир.

                              (Өрүс)

 

5

Күөх эриэн о5успут

Муннун быатын соспут.

                             (Иннэлээх сап)

 

6

Мин сур соно5оспун,

Мин суола суохпун.

Эн миигин миинэ5ин,

Эн миигин билэ5ин.

                              (Тыы)

 

7

Аһаата5ын аайы,

Саңарда5ын аайы

Үгүс үрүң сылгылар

Өлөрсүһэ сыһаллар.

Куп-кугас атыыр бара

Куруук кэлэн араарар.

                             (Тиистэр)

 

8

Күнү быһа

Түүнү быһа

Хаамар, хаамар, хаамар.

Күнү быһа,

Күнү быһа

Хардыыларын аа5ар,

Хана да халбарыйбат,

Харыс да сири барбат.

                  (Чаһы)

 

9

Түөрт тимир атахтаах,

Икки таас харахтаах.

Сиэтиитэ суох хата

Сирбитин хорутар.

Ол аттан да атын,

О5устан да атын.

                  (Трактор)

 

10

Аттаа5ы да ситтин,

Сатыыны да ситтин –

Орулуур, мэңириир

Ол аата: «туораа» - диир.

                  (Массыына)

 

11

Сапсыммат эрээри,

Салгыңңа тэлээрэр.

Көтөрө сүр тыастаах,

Кыната сулустаах.

                 (Самолет)